6 طرق لزيادة التفاعل فى تويتر:
في البوست ده هنتكلم عن 6 طرق تقدر تزود بيهم التفاعل على تويتر

1.شجع العملاء على التفاعل الشخصي.
أفضل أنواع التفاعل هو اللى بيكون على حاجة مكتوبة ببساطة وفى نفس الوقت بتدل على أهتمامك بالعميل و بتبين أنك بتشارك العميل كل حاجة ...... طيب ده بيتم إزاى ..... حاول تتكلم عن حاجة شخصية زي مثلاً قصة مضحكة حصلت معاك ، أو قصة أول مرة تشتغل ، أو أول مرة تعمل انترفيو ، التويتة دي هتحسس العملاء بتوعك أنك من العالم بتاعهم وعايش معاهم.

2.أعمل retweet لتغريدة عملائك.
أيه ده يعنى بدل ما همها يعملو ليا retweet أعمل ليهم أنا :D
ركز معايا أنت لو عملت retweet لعميل من عملائك ده هيخليه يتعلق بيك كشركة أكتر لأنه عارف أنك مهتم بيه و متابعه مش هو اللى متابعك بس. بس قبل ما تعمل retweet أتأكد أن ده فعلا شخص حقيقى و مش منافس ليك و التويتة اللى هتعملها retweet لازم تكون حاجة ليها علاقه بالمنتج اللى بتقدمه سواء من بعيد أو قريب.

3.ضيف هاشتاج للتويتة يكون ليك علاقة بيها.
أعمل هاشتاج بس لازم يكون ليه علاقة بالبيزنس بتاعك و هتقدر تقدم فيه قيمة للعملاء فعلا مش أى كلام و خلاص. زى مثلا Subway عملت هاشتاج كانت بتتكلم فيه عن أنك لازم تحافظ على الغدا بتاعك و تهتم بصحتك :D ,بس قبل ما تبدأ الهاشتاج ده لازم تحدد الهدف منه و هتوصل لمين من العملاء بالظبط.

4.أربط مشكلة بحلها فى التويتة.
واحدة من طرق التفاعل و هنقول نجاح المحتوى هو أنك فى المحتوى بتاعك تقدم مشكلة بيواجها العميل وفى نفس الوقت الحل بتاع المشكله دى. وده هيحسس العملاء أنك فى العالم بتاعهم و عارف مشاكلهم و بتحلها كمان و يقوى العلاقة اللي بين العميل والشركة.

5.المسابقات.
خلي بالك الناس طبيعتها بتحب الهدايا و خصوصاً أحنا بنعشق أى حاجة ببلاش ، عايز تزود التفاعل أعمل مسابقة و قدم جائزة حقيقة للشخص اللى هيفوز :D زى خصم مثلاً على المنتج.

6.أعمل فيها خدمة عملاء :D
بالظبط كده فعلاً أحنا دايماً بنتكلم عن أن المسوق مش خدمة عملاء ..... بس المقصود هنا هو أنك ترد على أسئلتهم على تويتر أو السوشيال ميديا عموماً و تساعدهم فى أستفسارتهم و متعملش محتوى وأنت عارف أنك مش هتعرف ترد عليه :O
وبعيداً عن ذكر أسماء شركات لأننا بنرفض الكلام ده بس فيه شركة هى اللي شوفتها بتعمل الكلام ده وخصوصاً على تويتر هى أتصالات مصر :D أعمل نفسك مش شايف :) ، بس الشركة دي لو فيه مشكلة الأدمن بيتواصل معاك فوراً على الخاص أو بالتليفون :D
تفتكروا أيه تانى ممكن يزود التفاعل :D

تواصل معنا على:
01225591227
22604761 02
أو أرسل رسالة خاصة علي الصفحة برقم هاتفك وسوف نتواصل معك مباشرة
أو أبعت بريد الكتروني علي info@appsrobo.com
Visit us: http:\\.appsrobo.com
مقال : 14