الـ 4p's الحلقة 3
أخر حاجة أتكلمنا عنها في التسويق هى ال 4p's 
النهاردة بقى هنتكلم عن أول حاجه فى ال 4p's و هى المنتج 
ركزوا بقى معايا في الكلام ده، لأنكم هتتفاجأوا بحاجات جديدة شوية  

المنتج هو أي شيء ممكن أقدمه للسوق بغرض الإستهلاك أو الإستخدام أو الحيازة أو
الإشباع لحاجة معينة أو رغبة معينة وهو بكده يشمل على الأشياء المادية وغير المادية
بس كده ..... لا .... المنتج هنا بيتكون من 3 مستويات
أيه هما بقى؟؟

1.المنتج الأساسي:
ويعني المزايا الأساسية التي يبحث عنها المشتري والتي تسمح بإشباع احتياجاتة.

2.المنتج الملموس:
و ده بيتكون من الملامح والأبعاد المادية الملموسة والتي تسهل عملية المبادلة للمنتج الأساسي.

3.المنتج بمفهوم واسع:( هو جميع الخدمات التي ترافق المنتج اللي هى أيه .... زى التوزيع ،التركيب ،الضمان ، الصيانة.

هنا بقى المنتج بتاعي بيتقسم إلى 7 تصنيفات
أيه هى؟؟ ركز في اللى جاى 

1.منتجات أستهلاكية:
حاجات ممكن تشتريها من أى حته، كده كل يوم ، أو كل فتره لأنها بتنقسم إلى نوعين سلع معمرة زى العربيه مثلاً أو سلع غير معمرة زى الأكل مثلاً 

2.منتجات مسيرة:
و دى المنتجات اللي بيشتريها العميل على فترات و مش محتاج أنه يعمل مقارنة فى أسم الشركه لأنهم بيكونوا محدودين زي مثلاً لو راح يشتري بيبسى و ملقهاش هيشترى كوكاكولا 

3.منتجات تسوق:
دي بقى المنتجات اللي العميل بيقارن فيها من حيث الجودة والسعر و مش هيشتريها كل يوم زي مثلاً الملابس بس الكلام ده بعيدا عن البنات 

4.المنتجات الخاصة:
و دي المنتجات اللي العميل بيحددها بالأسم و أسم الشركة و لو مش متاحة ممكن يستنى فترة لحد ما يلاقيها زى مثلاً -إن شاء الله- لما أشتري عربية 
أروح كده أشتري عربية نوعها مثلاً BMW الفئه الـ 7 

5.المنتجات المجهولة :D:
أنا اللي مسميه كده بس و هتعرفوا ليه 
المنتجات دي اللي ميعرفش العميل عنها أى حاجة زي مثلاً الأجهزة اللي بالليزر و المواد العلمية و بتحتاج مجهود كبير في التسويق 

6.المنتجات الصناعية:
و دي المنتجات الخام أو المعدات الصناعية زي القطن ، الحديد ، الالات.

7.الخدمات:
دي بقى اللي هى المنتجات اللي مش ملموسة زي أيه بقى يا سيدى؟ زي التأمينات و السياحة الحاجات دي.

كده أحنا أتكلمنا عن أنواع المنتجات و يعنى أية منتج تابعونا لسه مخلصناش

شاركونا بأقتراحتكم و تواصلوا معنا على:
01225591227
22604761 02
أو أرسل رسالة خاصة علي الصفحة برقم هاتفك وسوف نتواصل معك مباشرة
أو أبعت بريد الكتروني علي info@appsrobo.com
Visit us: http:\\.appsrobo.com
مقال : 26

Comments

Popular posts from this blog