4 كيف تجعل الفيس بوك ماكينة لجذب العملاء

الجروب كنز لايفني!
يعتبر الجروب علي الفيس بوك من أهم الأدوات التسويقية المجانية وذهلت عندما كنت أدير فريق من المسوقين وعندما ناقشتهم عن مصدر العملاء الأبرز لهم أخبروني أنة النشر علي الجروبات !

أستخدام الجروب في الفيس بوك لية طريقين أساسين هو أما أن تكون أنت مالك الجروب أو تكون ناشر في أحد الجروبات الخاصة بمجالك.

الجروب طبيعتة غير صفحة الفيس [أكلمنا عنها في مقال أمبارح :) ] لأن الجروب معتمد علي تكامل أعضائة لذلك فاول ما أنصحك بة أنه عندما تبني جروب لاتجعله جروب إعلاني.

حاول بقدر المستطاع أنة يكون جروب خدمي تخدم فية العملاء المهتمين بمنتجك يعني علي نفس مثال المقالات السابقة لو عايز أسوق كورسات إنجليزي فيفضّل عمل جروب مثلاً أسمه الإنجليزية للجميع وأبدأ نزل فية كل مواد الإنجليزية من كتب وفيديو وبرامج.
أعطي قيمة عالية للعملاء المستهدفين وبشكل مجاني تماماً ولاتستعجل الأستفادة المادية
فتملك الجروب هو أحد أقوي أدوات التسويق عن طريق الخدمات المجانية.

فستجد من يسأل أكسب منين وأنا بأقدم كافة الخدمات في الجروب مجانية؟؟

هأجاوب حضرتك: إن أصبح عندك جروب يقدم خدمة مجانية وبه أعضاء مستهدفين ، أصبح لك جمهور متابع لك متشوق لمشاركاتك ، أظن كمسوق هتعرف تعمل الواجب وزيادة ، زي في الكورة كدة أنت والجون هدف بئه يابطل :)

والطريقة الأخري للإستفادة من جروبات الفيس بوك هو النشر:

والنشر علي جروبات الفيس بوك نوعين:

1.النشر الإعلاني وهو ده العادي اللي بنعمله بالفطرة أنك تنشر البوست الإعلاني الخاص بك في كل الجروبات المهتمة بالنشاط بلاش النشر في كل شيء وأي شيء خليك شيك في النشر وأستهدف المجموعات المفتوحة حتي لاتتعرض لإيقاف النشر لديك. وفي طريقة سهلة جداً موجودة ممكن تعمل بحث بالكلمة المفتاحية لها علاقة بنشاطك علاقة مباشرة أو غير مباشرة يعني في مثالنا علي كورس الإنجليزي هأدور على كلمة تعليم إنجليزي أو كورسات إنجليزي وده بحث علاقة مباشرة وفي بحث بعلاقة غير مباشرة أني أبحث عن كلمة وظائف مثلاً وكمان أبحث عن جروبات المناطق زي المعادي الهرم مدينة نصر بتبقي جروبات كبيرة وبتقبل نشر الأعلانات ولما أستخدم البحث ماخدش النتائج اللي بتظهر عند كتابة الكلمة الأفضل أدوس علي شكل العدسة وأختار مجموعات وتأتي بكل المجموعات المفتوحة في مجالك وتقدر تنضم ليها وزي مأتعودنا بدون أفراط يعني يكفي الأنضمام لـ 5 جروبات في الساعة وتقدر تضيف نفسك في 50 جروب يومياً تقريباً والنشر أيضا يكون علي فترات متباعدة علشان الأكونت مايتحظرش. :(

2.النشر كخبير ودي من الطرق الرائعة اللي نصحت بها في مقالات سابقة:

الطريقة بإختصار راجع كده معايا المقالة الأولي وطريقة عمل أكونت خاص للشغل قلنا يفضل أن الأكونت يكون بأسم نشاط المنتج زي مثلا الأكونت الخاص بدورة الإنجليزي يبقى أسمه كورسات إنجليزي وعرفنا إزاي نقدر نستفاد من الأكونت ده في جذب عملاء مستهدفين (راجع المقالة السابقة)نفس الأكونت ده هأبدأ أدخل بيه الجروبات اللي بتهتم بمجال شغلي وأبداء أحط مقالات أو داتا كتب فيديو نشرات أي شيء فيه فائدة لأعضاء الجروبات المختلفة وأهتم جداً بالرد علي تساؤلاتهم ومشاكلهم من هنا ستجد إضافات كثيرة للناس تحب الأستفادة مما تقدمه وستجد أيضا إضافة من عملاء يرغبون في الأستفادة من خدمات أعمالك لأنهم بيكونوا شافوا جودة خدماتك المجانية فالعميل الشاطر يحب لما هيشتري أي خدمة أومنتج يسأل عليها صاحب من قدم لة خدمة مجانية لأنة جربه ووثق فية وهو ده فكر الإنباوند ماركتينج اللي كلمتكم عنه كتير.

الخلاصة لاتستهين بتقديم خدمات مجانية لمتابيعنك فهى من تأتي لك بالعملاء وبيكون عميل علي ثقة بما تقدمه.

فمقالتي اليوم برغم أنها مجانية ولكن علي المستوى المهني سأستفيد منها الكثير.

لمتابعة المقالات السابقة عن نفس الموضوع:
الحلقة الأولى :
https://www.facebook.com/Appsrobo/posts/385131001861830
الحلقة الثانية:
https://www.facebook.com/Appsrobo/posts/385141051860825:0
الحلقة الثالثة:
https://www.facebook.com/Appsrobo/posts/385715931803337:0

للإستفسار تواصلوا معنا على:
01225591227
22604761 02
أو أرسل رسالة خاصة علي الصفحة برقم هاتفك وسوف نتواصل معك مباشرة
أو أبعت بريد الكتروني علي info@appsrobo.com
Visit us: http:\\.appsrobo.com
مقال : 38
#AppsRobo
#سوشيال_ميديا
#تسويق_الكتروني
#ماركتنيج